Ta divna Korčula!

Lux Travel vas vodi na Korčulu u nedelju 07.07!

Korčula očarava bezvremenskom ljepotom, minula vremena utisnula su trag u kamenu koji priča. Isklesana u kamenu i okružena gustom borovom šumom, grad Korčula je omiljeno odredište putnika istančanog ukusa.

Opasana zidinama i kulama, Korčula u svojoj utrobi skriva čarobno renesansno-gotičko jezgro koje vrvi popločanim ulicama, istorijskim kućama i palatama. Znatiželjnici dolaze da čuju priče o slavnom moreplovcu Marku Polu. Romantičari žele da vide plesove moreške s mačevima, dok avanturističke duše privlače biciklističke staze i ronjenje u prozirnom moru.

Posjetioci Korčule zaista imaju brojne razloge za dolazak. Puno im je teže pronaći razlog za – odlazak.

Korčula je šesto po veličini hrvatsko ostrvo, a svojom zavodljivom ljepotom spada u sam vrh ostrvskih destinacija na Mediteranu.

Tlocrt grada Korčule inteligentno je izveden u obliku riblje kosti: kosi položaj istočnih ulica štitio ga je od bure, dok ga je pravilan položaj zapadnih ulica otvarao osvježavajućem maestralu.

Korčula je u srednjem vijeku počela razvijati kamenoklesarstvo pa ćete u šetnji njenim ulicama naići na najljepše primjere stambene arhitekture iz 15. i 16. v. u gotičko-renesansnom stilu. Gradili su je majstori od lokalnog kamena, stoga su pročelja njenih kuća, palata i crkava ukrašena vještim dekoracijama i brojnim grbovima. Upravo je zato već u 15. v. zapisano ono što će vas sasvim očarati i danas: Korčula je „izbrušena kao lijepi dragulj“.

Top 5 istorijskih znamenitosti u gradu Korčuli:

  • kuća Marka Pola za kojeg se vjeruje da je rođen upravo u Korčuli
  • Opatska palata s Opatskom riznicom umjetničkih radova
  • Gradski muzej s ostacima starih kamenoklesarskih radionica
  • gradske zidine, Kopnena i Morska vrata
  • Katedrala Sv. Marka s djelima Tintoretta

Hrana i vino:

Ako je istina da ljubav ulazi kroz želudac, Korčula je gourmet destinacija u koju ćete se zaljubiti na prvi zalogaj.

A kako i ne bi kad su njeni jelovnici inspirisani čistim Jadranskim morem iz kojeg vam vrijedni ribari svakodnevno na tanjir dostavljaju svježu ribu. Gastronomiju Korčule oplemenjuju i tradicionalni korčulanski makaruni i domaća pašticada uz koje savršeno prijaju lokalna vina pošip ili grk. U djetinjstvo će vas vratiti sočno sezonsko voće i povrće baš kao i slatki trenuci uživanja u domaćim bakinim kolačima: cukarini, klašuni, hrustule i prikle (“pršurate”), te vrlo ukusna “rozata” (creme caramel)

Top 5 gourmet doživljaja Korčule:

  • slane srdele i gere
  • brodet s palentom i hobotnica ispod peke
  • jastozi i škampi na žaru
  • janjetina i kozletina ispod peke
  • tradicionalni kolači: lumblija, prikle, cukarini, klašuni, kotonjata

… i bar čaša, dvije lokalnog vina pošip ili grk.

Hoću na plažu!

Ostrvo Korčulu okružuje kristalno čisto more, a duž 182 km njegove razuđene obale niže se čak 96 uvala sa skrivenim ili nešto više posjećenim plažama. Mi ćemo posjetiti mjesto Lumbarda sa najljepšim plažama:

  • Plaža Vela Pržina (Lumbarda) je najpopularnija pješčana plaža na ostrvu Korčuli, na južnoj strani Lumbarde. Gleda na otvoreno more i arhipelag ostrva Lastova. Okružena je vinogradima i zaštićena od sjevernih i zapadnih vjetrova. Vela Pržina je idealna za porodice s malom djecom i mlade u potrazi za zabavom. Na plaži je bar, a možete iznajmiti ležaljke i suncobrane ili zaigrati odbojku.
  • Plaža Bilin Žal (Lumbarda) jedna je od rijetkih prirodnih pješčanih plaža u Hrvatskoj. Nalazi se na sjevernoj strani Lumbarde, a ima prekrasan pogled na poluostrvo Pelješac i ostrva korčulanskog arhipelaga. Bilin Žal je omiljeno kupalište porodica jer ima vrlo plitak ulaz u more. Tu su i restoran i bar, dok očaravajuće podmorje privlači ronioce.
  • Plaža Tatinja (Lumbarda) je pješčana plaža na samo nekoliko minuta hoda istočno od središta Lumbarde u uvali Tatinja. U blizini je nekoliko kafića i snack-barova, pizzerija i restorana koji je čine idealnim mjestom za cjelodnevni boravak na moru. S plaže se pruža zapanjujući pogled na skupinu malih ostrva Korčulanskog arhipelaga, poluostrvo Pelješac i grad Orebić.

Ne propustite ovaj nezaboravni Lux Travel-ov izlet!

Other trips

Leave a Reply

Your e-mail address will not be published. Required fields are marked *

four × three =

en_GBEnglish
sr_RSSerbian en_GBEnglish